Archief Uit de volksmond | December 2013

Een wintervertelling

... en met het verhaal "Boekweitkoeken" van Lambrecht Lambrechts

Maar eerst dit
Oos vùraars woorë vruggër rond deezën tijd sjauw blij dat dën troon gedrèèt wos. Gëdùn mèt dat al mèr kottër jo’n van dë dôog.
En wij dat koem zal ich oech èns hworfijn aut dë dukskës doen.

Dën hèllëgën Toemma, zjë wèt wo’l, dën apostël wo niks gëleuvë wol, ho hët lankslwo’pë tot èn hët tupkë van zën teenë. Zjë gëlùf nie wo oos Heer allëmwo’l môes doen vùr dèè kjèl aut zënnë nès të krijgë…

Op hët kotstë van dë dôog – nau weet ich nie jus of hët ènt jwor 31 of 32 wo’s, mèr ’t wo’s op dën 21stë désembër – stond oos Heer dwo alwier meer dan ën haaf oer të sjillërë omdèt tër wier nie traut kos.
Onbësjensëg sjikdë Slievënheer twee toetèngëlë nwo bwo’vë vùr të go’n kiekë boo dèè flworrës toch mèr bleef.

Toemma ho zën eegë nog mèr jus gëdrèèd toen dë toetèngëlë o’n zë bèd stontë.
- Ich stùn nie op huin, zaat ër, dën dôog ès vjùl të kot vùr mich ôon të doen!

Dwo stontë dë toetèngëlë dan wij twee bèddëzeekërs èn braachtën hët nouws o’n oos Heer.
Slievënheer sjikdë dë twee kadeen trùg vùr të zèggë teegë Toemma dattër ëm op dën almënak van dë hèllëgë zeu zettë op dën 21stë désembër èn dat èn hët vërvolg iedër jwo’r van ôof hët fès van dën hèllëgën Toemma de dôog zeuën lengë.

En zoo gesjiddë …

Mèr … poopie Joopie hèt èn 1996 dën hèllëgënalmënak heelegans nwo de kloetë gëholpë mèt zijn poonëkës veur të trèkkë. Hè hèt oozën hèllëgë slwo’pkop nwo dën derdë juli vërbannë, boo dën hèllëgë Jacobus Minor, ook nog nën apostël, plak moes môokë vùr Toemma. Nën hèllëgë Petrus Canisius – noot van gëjùd – moet nou dë dôog doen lengë.

» Lees meer